作詞：李宛蓁
作曲：李 海
自從彼日來冤家 阮挑工不接伊電話
一個人吃飯真自由 看電影不免伊來陪
自從彼日的冤家 阮挑工不甲伊約會
怨嘆伊哪會這調直 是按怎袂曉講情話
唉呀 真正生氣 有夠生氣 哪會來冤家
唉呀 阮無知影 無啥代誌 小小的誤會
唉喲 阮的心情 伊袂了解 怎樣來解釋
就不是面子的問題 也不免伊來會失禮
只要淡薄啊浪漫氣氛 淡薄啊音樂甲玫瑰花
------------------------------------------
9072/《小誤會》Sió Gōo-huē
謝金晶Siā Kim-tsing
自從彼日來冤家
tsū-tsiông hit ji̍t lâi uan-ke
阮刁工毋接伊電話
gún thiau-kang m̄ tsiap i tiān-uē
一个人食飯真自由
tsi̍t-ê-lâng tsia̍h-pn̄g tsin tsū-iû
看電影毋免伊來陪
khuànn tiān-iánn m̄-bián i lâi puê
自從彼日的冤家
tsū-tsiông hit-ji̍t ê uan-ke
阮刁工毋佮伊約會
gún thiau-kang m̄ kah i iok-huē
怨嘆伊哪會遮條直
uàn-thàn i ná ē tsiah tiâu-ti̍t
是按怎袂曉講情話
sī-án-tsuánn buē-hiáu kóng tsîng-uē
哎啊~真正受氣
aih-ah~ tsin-tsiànn siūnn-khì
有夠受氣
ū-kàu siūnn-khì
哪會來冤家
ná ē lâi uan-ke
哎啊~阮毋知影
aih-ah~ gún m̄ tsai-iánn
無啥代誌
bô siánn tāi-tsì
小小的誤會
sió-sió ê gōo-huē
哎喲~阮的心情
aih-iooh~ gún ê sim-tsiânn
伊袂了解
i buē liáu-kái
怎樣來解說
tsuánn-iūnn lâi kái-sueh
---
都毋是面子的問題
to m̄-sī bīn-tsú ê būn-tê
也毋免伊來會失禮
iā m̄-bián i lâi huē-sit-lé
只要淡薄仔浪漫氣氛
tsí-iàu tām-po̍h-á lōng-bān khì-hun
淡薄仔音樂佮玫瑰花
tām-po̍h-á im-ga̍k kah muî-kuì-hue