作詞：向月娥
作曲：劉思偉
夜市內人山人海 無人管阮好或壞
那卡西自由自在 歌聲像刀割心內
每天抹粉畫目眉 等你回心倒轉來
等到酒醉哭出來 騙講歡喜的目屎
啊 甘講你嘸知 我講不出來 心痛的感覺像火災
啊 甘講你嘸知 漂浪在情海 我是破船無未來
啊 甘講你嘸知 無情的世界 寂寞比酒擱較厲害
啊 甘講你嘸知 我醒不過來 夢嘛無聽你叫心愛
8162/《敢講你毋知》Kám-kóng Lí M̄-tsai
黃乙玲N̂g It-lîng
夜市內人山人海
iā-tshī lāi jîn-san jîn-hái
無人管阮好抑䆀
bô-lâng kuán gún hó ia̍h bái
那卡西自由自在
na-gá-sih tsū-iû tsū-tsāi
歌聲像刀割心內
kua-siann tshiūnn to kuah sim-lāi
逐工抹粉畫目眉
ta̍k-kang buah-hún uē ba̍k-bâi
等你回心倒轉來
tán lí huê-sim tò-tńg--lâi
等酒醉欲出來
tán tsiú-tsuì beh khàu--tshut--lâi
騙是歡喜的目屎
phiàn sī huann-hí ê ba̍k-sái
啊~敢講你毋知
ah~ kám-kóng lí m̄-tsai
我講袂出來
guá kóng buē tshut--lâi
心疼的感覺像火災
sim thiànn ê kám-kak tshiūnn hué-tsai
啊~敢講你毋知
ah~ kám-kóng lí m̄-tsai
漂浪在情海
phiau-lōng tsāi tsîng-hái
我是破船無未來
guá sī phuà-tsûn bô bī-lâi
啊~敢講你毋知
ah~ kám-kóng lí m̄-tsai
無情的世界
bô-tsîng ê sè-kài
寂寞比酒閣較厲害
tsi̍k-bo̍k pí tsiú koh-khah lī-hāi
啊~敢講你毋知
ah~ kám-kóng lí m̄-tsai
我醒袂過來
guá tshínn buē kuè-lâi
夢嘛無聽你叫心愛
bāng mā bô thiann lí kiò sim-ài