作詞：武雄
作曲：蕭蔓萱
城市的風吹過凌亂的街巷 鬧熱的燈照著寂寞的看板
沿路的人攏是成對擱成雙 阮只是孤單行過一段 無聊的拜六
＊兩字緣份心茫茫 往事醉過燒酒香
一條路倒來顛去 誰來乎阮夢
月色染頭鬃 擱夜夜來戲弄 連情話攏無一句相送
＃凌亂的風吹過城市的眠夢 癡情目睭點著寂寞的看板
思念的歌繼續一句唱一工 阮等無真心愛阮的人 情愛不敢讀
Repeat ＊,＃ ＊,＃
8182/《寂寞的看板》Tsi̍k-bo̍k ê Kha̋ng-páng
黃乙玲N̂g It-lîng
城市的風
siânn-tshī ê hong
吹過凌亂的街巷
tshue kuè lîng-luān ê ke-hāng
鬧熱的燈
lāu-jia̍t ê ting
照著寂寞的看板
tsiò tio̍h tsi̍k-bo̍k ê kha̋ng-páng
沿路的人
iân-lōo ê lâng
攏是成對閣成雙
lóng-sī sîng-tuì koh sîng-siang
阮只是孤單
gún tsí-sī koo-tuann
行過一段無聊的拜六
kiânn--kuè tsi̍t-tuānn bô-liâu ê pài-la̍k
兩字緣份心茫茫
nn̄g-jī iân-hūn sim bâng-bâng
往事醉過燒酒芳
óng-sū tsuì kuè sio-tsiú phang
一條路倒來顛去
tsi̍t-tiâu lōo tó-lâi tian-khì
誰來予阮夢
siáng lâi hōo gún bāng
月色染頭鬃
ge̍h-sik ní thâu-tsang
閣夜夜來戲弄
koh iā-iā lâi hì-lāng
連情話攏無一句相送
liân tsîng-uē lóng bô tsi̍t-kù sio-sàng
凌亂的風
lîng-luān ê hong
吹過城市的眠夢
tshue kuè siânn-tshī ê bîn-bāng
痴情目睭
tshi-tsîng ba̍k-tsiu
點著寂寞的看板
tiám tio̍h tsi̍k-bo̍k ê kha̋ng-páng
思念的歌
su-liām ê kua
繼續一句唱一工
kè-sio̍k tsi̍t-kù tshiùnn tsi̍t-kang
阮等無真心愛阮的人
gún tán bô tsin-sim ài gún ê lâng
情愛毋敢讀
tsîng-ài m̄-kánn tha̍k