19097/《我是好男兒》Guá Sī Hó Lâm-jî
葉啟田Ia̍p Khé-tiân
踏出社會
ta̍h-tshut siā-huē
毋通予人來看袂起
m̄-thang hōo-lâng lâi khuànn-buē-khí
不應該看輕自己
put-ing-kai khuànn-khin tsū-kí
做著一个好男兒
tsuè tio̍h tsi̍t-ê hó lâm-jî
社會充滿人情味
siā-huē tshiong-buán jîn-tsîng-bī
應該遵照義理
ing-kai tsun-tsiàu gī-lí
做一个堂堂男兒
tsuè tsi̍t-ê tông-tông lâm-jî
才有出頭的時機
tsiah ū tshut-thâu ê sî-ki
朋友啊
pîng-iú--ah
互相支持
hōo-siong tsi-tshî
應該著拍拚落去
ing-kai tio̍h phah-piànn--lo̍h-khì
燒酒筊場毋通去
sio-tsiú kiáu-tiûnn m̄-thang khì
放捒虛華的過去
pàng-sak hi-hua ê kuè-khì
人生總有好日子
jîn-sing tsóng ū hó ji̍t-tsí
朋友應該扶持
pîng-iú ing-kai hû-tshî
為前途
uī tsiân-tôo
愛靠自己
ài khò tsū-kí
才是好男兒
tsiah-sī hó lâm-jî