作詞：林樂
離開故鄉來流浪 恨阮運命心悲傷
為怎樣會即放蕩 變成前程暗茫茫
放捨著心愛的出外來他鄉
無疑會做著一個黑暗的英雄
我不應該墜落苦海 一失足來造成這悲哀
我一生來被人害 才著流浪走天涯
後悔莫及也應該 看破黑暗的世界
我決心脫離著陰險的巢穴內
做一個現代正正當當的男性
不驚人來什款逆待 早一日挽回著阮生涯
《冷霜子》Líng-song-tsú
葉啟田Ia̍p Khé-tiân
離開故鄉來流浪
lī-khui kòo-hiong lâi liû-lōng
恨阮運命心悲傷
hīn gún ūn-miā sim pi-siong
為怎樣會遮放蕩
uī tsánn-iūnn ē tsiah hòng-tōng
變成前程暗茫茫
piàn-sîng tsiân-tîng àm-bông-bông
放捒著心愛的
pàng-sat tio̍h sim-ài--ê
出外來他鄉
tshut-guā lâi thann-hiong
無疑會做著
bô-gî ē tsuè tio̍h
一個烏暗的英雄
tsi̍t-ê oo-àm ê ing-hiông
我不應該
guá put-ìng-kai
墜落苦海
tuī-lo̍h khóo-hái
一失足
it sit-tsiok
來造成遮悲哀
lâi tsō-sîng tsiah pi-ai
我一生來被人害
guá it-sing lâi pī lâng hāi
才著流浪走天涯
tsiah tio̍h liû-lōng tsáu thian-gâi
後悔莫及也應該
hiō-hué bo̍k-kip iā ìng-kai
看破烏暗的世界
khuànn-phuà oo-àm ê sè-kài
我決心脫離著陰險的巢窟內
guá kuat-sim thuat-lī tio̍h im-hiám ê tsâu-khut lāi
做一個現代正正當當的男性
tsuè tsi̍t-ê hiān-tāi tsìng-tsìng-tong-tong ê lâm-sìng
毋驚人來啥款虐待
m̄-kiann lâng lâi siánn-khuán gi̍k-thāi
早一日挽回著阮生涯
tsá tsi̍t ji̍t bán-huê tio̍h gún sing-gâi