離開著故鄉的我，感覺著無伴，
孤獨流浪的生活，可比塊拖磨，
這是阮運命要怨什，只要忍耐一切向前來打拼，
阮厝內大大小小總是依靠我，啊…這是阮運命，
離開著故鄉的，已經一年多，想著親愛的媽媽，
傷心哭出聲，阮痛苦的心肝誰知影，
只有是心愛的人才會瞭解我，
阮厝內大大小小總是依靠我，
啊…這是阮運命。
13456/《離開故鄉的我》Lī-khui Kòo-hiong ê Guá
葉啟田Ia̍p Khé-tiân
離開著故鄉的我
lī-khui tio̍h kòo-hiong ê guá
感覺真無伴
kám-kak tsin bô-phuānn
孤獨流浪的生活
koo-to̍k liû-lōng ê sing-ua̍h
可比咧拖磨
khó-pí teh thua-buâ
這也是阮運命
tse iā-sī gún ūn-miā
欲怨啥
beh uàn siánn
只有來忍耐
tsí-ū lâi jím-nāi
一切向前來拍拚
it-tshè hiòng-tsîng lâi phah-piànn
阮厝內大大細細
gún tshù-lāi tuā-tuā-sè-sè
總是依靠我
tsóng-sī i-khò guá
啊~這是阮運命
ah~ tse sī gún ūn-miā
離開著故鄉的我
lī-khui tio̍h kòo-hiong ê guá
已經一年外
í-king tsi̍t-nî guā
想著親愛的媽媽
siūnn-tio̍h tshin-ài ê má-mah
傷心哭出聲
siong-sim khàu tshut-siann
阮痛苦的心肝
gún thòng-khóo ê sim-kuann
誰知影
siáng tsai-iánn
只有是心愛的人
tsí-ū sī sim-ài ê lâng
才會了解我
tsiah ē liáu-kái guá
阮厝內大大細細
gún tshù-lāi tuā-tuā-sè-sè
總是依靠我
tsóng-sī i-khò guá
啊~這是阮運命
ah~ tse sī gún ūn-miā