作詞：吳永昌
作曲：吳永昌
飄浪四海的男兒 親像野鳥啊心稀微
雖然不幸是流浪兒 總是男兒男兒啊會覺醒
為著啊理想就要堅持 一切的勝敗就靠自已
鹹酸苦澀啊的滋味 做到男兒男兒啊擔會起
舉頭看天啊月當圓 捧酒敬月啊咱隨意
烏雲罩霧啊隨在你 我會自強自立啊做男兒
我會自強自立啊做男兒
《野鳥》Iá-tsiáu
葉啟田Ia̍p Khé-tiân
飄浪啊四海啊的啊男兒
phiau-lōng--ah sù-hái--ah ê--ah lâm-jî
親像野鳥啊心稀微
tshin-tshiūnn iá-tsiáu--ah sim hi-bî
雖然不幸是流啊浪兒
sui-jiân put-hīng sī liû--ah lōng-jî
總是男兒男兒啊會覺醒
tsóng--sī lâm-jî lâm-jî--ah ē kak-tshínn
為著啊理想著愛啊堅持
uī-tio̍h--ah lí-sióng tio̍h-ài--ah kian-tshî
一切勝敗就靠自己
it-tshè sìng-pāi tiō khò tsū-kí
鹹酸苦澀嘛的啊滋味
kiâm-sng khóo-siap--mah ê--ah tsu-bī
做著男兒男兒啊擔會起
tsuè tio̍h lâm-jî lâm-jî--ah tann ē khí
攑頭看天啊月啊當圓
gia̍h-thâu khuànn thinn--ah gue̍h--ah tng înn
捀酒敬月啊咱隨意'
phâng tsiú kìng gue̍h--ah lán suî-ì
烏雲罩霧啊隨啊在你
oo-hûn tà-bū--ah suî--ah tsāi--lí
我會自強自立啊做男兒
guá ē tsū-kiông tsū-li̍p--ah tsuè lâm-jî
我會自強自立啊做男兒
guá ē tsū-kiông tsū-li̍p--ah tsò lâm-jî