《阿美小姐》A-bí Sió-tsiá
葉啟田Ia̍p Khé-tiân
自彼日
tsū hit-ji̍t
我來熟似阿美小姐
guá lâi si̍k-sāi A-bí sió-tsiá
怎會予我不時
tsuánn ē hōo guá put-sî
煞會關心掛念伊
suah ē kuan-sim kuà-liām i
敢是叫做初戀的心情
kám-sī kiò-tsuè tshoo-luân ê sim-tsîng
害我心茫茫
hāi guá sim bâng-bâng
伊若是猶原會來思念我
i nā-sī iu-guân ē lâi su-liām guá
阿美仔喂
A-bí--á uê
阿美仔喂
A-bí--á uê
你是純情的女性
lí sī sûn-tsîng ê lú-sìng
想欲來走去
siūnn-bueh lâi tsáu-khì
揣伊阿美小姐
tshē i A-bí sió-tsiá
等待下班
tán-thāi hā-pan
不時看著時間做工課
put-sî khuànn-tio̍h sî-kan tsuè khang-khè
敢是叫做熱戀的心情
kám-sī kiò-tsuè jia̍t-luân ê sim-tsîng
害我無心情
hāi guá bô-sim-tsiânn
伊若是歡迎做陣來散步
i nā-sī huan-gîng tsuè-tīn lâi sàn-pōo
阿美仔喂
A-bí--á uê
阿美仔喂
A-bí--á uê
你是純情的女性
lí sī sûn-tsîng ê lú-sìng
想欲來送伊物件
siūnn-bueh lâi sàng i mi̍h-kiānn
表示情意
piáu-sī tsîng-ì
考慮一晡
khó-lū tsi̍t-poo
看來看去
khuànn lâi khuànn khì
毋知買啥物
m̄-tsai bé siánn-mi̍h
敢是叫做迷戀的心情
kám-sī kiò-tsuè bê-luân ê sim-tsîng
害我心齊狂
hāi guá sim tsiâu kông
伊若是猶原會來歡喜我
i nā-sī iu-guân ē lâi huann-hí guá
阿美仔喂
A-bí--á uê
阿美仔喂
A-bí--á uê
你是純情的女性
lí sī sûn-tsîng ê lú-sìng