作詞：俞隆華
作曲：俞隆華
人講做事起頭難 看你失志心沉重
何必為著一時困難 心情未輕鬆
做著一個漂漂泊泊的男子漢 失敗不免怨嘆
人講做人無簡單 做事更加難亦難
凡事若是強人所難 當然心沉重
做著一個漂漂泊泊的男子漢 這款先不通
人講成功頭一層 不通看錢無看人
忍著忍耐事事項項 萬事照起工
堂堂一個漂漂泊泊的男子漢 不免心憺寒
啊 這個社會應該不是 彼呢簡單 一切攏是錢做人
只要你提出勇氣 千萬不通輸別人
13444/《做事起頭難》Tsuè-sū Khí-thâu Lân
葉啟田Ia̍p Khé-tiân
人講做事起頭難
lâng kóng tsuè-sū khí-thâu lân
看你失志心沉重
khuànn lí sit-tsì sim tîm-tāng
何必為著
hô-pit uī-tio̍h
一時困難
tsi̍t-sî khùn-lân
心情袂輕鬆
sim-tsîng buē khin-sang
做著一个
tsuè tio̍h tsi̍t-ê
飄飄撇撇的男子漢
phiau-phiau-phiat-phiat ê lâm-tsú-hàn
失敗毋免怨嘆
sit-pāi m̄-bián uàn-thàn
人講做人無簡單
lâng kóng tsuè-lâng bô kán-tan
做事更加難啊難
tsuè-sū kìng-ka lân--ah lân
凡事若是
huân-sū nā-sī
強人所難
kiông-jîn sóo-lân
當然心沉重
tong-jiân sim tîm-tāng
做著一个
tsuè tio̍h tsi̍t-ê
飄飄撇撇的男子漢
phiau-phiau-phiat-phiat ê lâm-tsú-hàn
這款仙毋通
tsit khuán sian m̄-thang
人講成功頭一層
lâng kóng sîng-kong thâu tsi̍t-tsân
毋通看錢無看人
m̄-thang khuànn tsînn bô-khuànn lâng
忍著忍耐
jím tio̍h jím-nāi
事事項項
sū-sū-hāng-hāng
萬事照起工
bān-sū tsiàu-khí-kang
堂堂一个
tông-tông tsi̍t-ê
飄飄撇撇的男子漢
phiau-phiau-phiat-phiat ê lâm-tsú-hàn
毋免心膽寒
m̄-bián sim-tám hân
啊~這个社會
ah~ tsit ê siā-huē
應該毋是遐爾簡單
ing-kai m̄-sī hiah-nī kán-tan
一切攏是錢做人
it-tshè lóng-sī tsînn tsuè-lâng
只要你提出勇氣
tsí-iàu lí the̍h tshut ióng-khì
千萬毋通輸別人
tshian-bān m̄-thang su pa̍t-lâng