作詞：柳 永、邵大倫
作曲：Boss
徛佇門跤口 親像過去的形影
聽著吉他聲 敢若做過的夢
隨你風中飛 想欲 換心交陪
寫咱心晟 留落著咱跤跡
我是彼个恬恬倚佇你的身邊的人
跟前綴後 陪你做伙眠夢
如今只賰思念 只有夢中通靠岸
啥人知影 心肝會疼
為啥愛是互相拖磨
為啥離開了後會寒
像昨暝的夢 予拍散 劇本賰我來搬
按呢我情願繼續作夢(永遠夢)
------------------------------------------
12990/《像做過的夢》Tshiūnn Tsuè--kuè ê Bāng
張涵雅Tiunn Hâm-ngá
徛佇門跤口
khiā tī mn̂g-kha-kháu
親像過去的形影
tshin-tshiūnn kuè-khì ê hîng-iánn
聽著吉他聲
thiann-tio̍h gì-tah siann
敢若做過的夢
kánn-ná tsuè--kuè ê bāng
隨你風中飛
suî lí hong-tiong pue
想欲換心交陪
siūnn-beh uānn sim kau-puê
寫咱心情
siá lán sim-tshiânn
留下著咱跤跡
lâu hā tio̍h lán kha-jiah
我是彼个
guá sī hit ê
恬恬倚佇你的身邊的人
tiām-tiām uá tī lí ê sin-pinn ê lâng
跟前綴後
kin-tsîng tuè-āu
陪你做伙眠夢
puê lí tsò-hué bîn-bāng
如今只賰思念
jû-kim tsí tshun su-liām
只有夢中通靠岸
tsí-ū bāng-tiong thang khò-huānn
啥人知影
siánn-lâng tsai-iánn
心肝會疼
sim-kuann ē thiànn
為啥愛是互相拖磨
uī siánn ài sī hōo-siong thua-buâ
為啥離開了後會寒
uī siánn lī-khui liáu-āu ē kuânn
像昨暝的夢予拍散
tshiūnn tsa-mî ê bāng hōo phah-suànn
劇本賰我來搬
kio̍k-pún tshun guá lâi puann
按呢我情願
án-ne guá tsîng-guān
繼續做夢 (永遠夢)
kè-sio̍k tsuè-bāng (íng-uán bāng)