作詞：gigi / c君 / 6永
作曲：dj galaxy
Intro
6wing：
叛逆少女墮樓亡 迷魂毒品累一生Verse 1
C-Kwan：
o黎丫o黎丫陪我行
我諗我行埋呢堂樓梯應該唔會煩
我諗個天台應該有好多靚位俾我揀
等我揀返個跌落o黎會死得無咁慢
死得比較燦爛 記得
教堂d father話過要當正father係我親生father
但係我o既親生father就係每晚扒o係我度
搵我o黎洩慾 咁我o既結局
係咪就係行多十七層
我而家十七歲 座大廈無第十八層
咁 我又有無第十八歲
6wing:
(少女尋死 慈父燒鵝脾跚跚來遲)
C-Kwan:
我日日等 日日忍 但係點解都硬係咁
問上主 問老師 話俾通街d社工知
但係佢o地話飛女 衰女 吹水
不突止 仲話咦 乜你開始食毒品
無錯我成身安眠藥 但係無諗過食 安眠藥死
只不過係我身體弱弱地 醫生著略俾
幾樽 等我返屋企可以略略訓得著
但係個屋企 我無再返o番o黎
我老豆跟本係隻生o番o黎
你依家睇緊唔係三更o黎
我阿媽會靠d中藥返生先奇
媽 我落o黎陪你Bridge 1
6wing:
左圖為死者高處墮下
右圖為女死者的爸爸
驚聞噩耗後悲痛不已
本圖為本報獨家Chorus
GiGi:
此時這地又這樣遠離
就當流雲散聚
我又化做雨水
窗外雨下那夜星又隕落
來而又去 你我不過又再兜圈Verse 2
6wing:
本報訊
某中學中三輔導班一名女學生
於昨曰晚間被其大廈夜更看更王生發現
倒臥於大廈門口與停車場之間
發現事主時已不省人事
送院救治後證實不治
女死者梁XX 十七歲
在校內成績很差為一名夜歸少女
在家中她是一名獨女
早年喪母與父親同居
身兼母職的父親一向疼愛女兒 (你點知)
他昨夜下班時 原想逗女兒歡喜
買了燒鵝脾
豈料 未幾 回家 已得知女兒尋死
(我仲唔死 唔通等佢食完隻燒鵝脾 再禽上o黎)
粱父一臉茫然道
「傻女, o係學校o既o野可以話俾老豆知o架嘛!」
警員於死者身上發現安眠藥 (喂我訓唔著喎)
與咳藥水 (我咳喎)
懷疑是服食過量藥物導致自殺的證據Outro
第二天沒人理會這新聞
第三天沒人理會這新聞
第四天沒人理會這新聞
第五天同類事件再發生
第六天人人關注那新聞
第七天沒人理會那新聞
第八天沒人理會那新聞
第九天沒人理會那新聞