原自歐西歌曲 Summer Wine
作詞：蘇翁
作曲：Lee Hazlewood
合唱：森森‧杜平
情人另嫁，皆因我個貓樣生得醜；
情緣盡矣，一想到心中好鬼嬲。
我要想點樣報復，揾啲女仔吼；
何妨扮作熱情，等靚女，唔！到時候。
狂人病態，因乜你好比喪家狗；
人人路過，睇到你反感兼心嬲。
你着起飛裝咁霉，點得女仔吼；
還來扮作熱情，一睇到，唔！確難受。
〔男曰〕 乜我啲裝扮好失禮咩？
〔女曰〕 梗係啦，頭髮長成咁，好似無錢飛髮咁呀；
污糟邋遢，啲動静又乞人憎。
〔男曰〕 我都話你傻嘅，華倫天奴都係咁嘅動静咋。
〔女曰〕 我話你係挖爛地牢就真呀。
〔男曰〕 吓！而家啲係新潮裝呀嗎。
〔女曰〕 你誤解新潮呢兩個字喇，
你成個都好似乞兒咁呀。
〔合唱〕
原來係我啲裝扮舉止不知羞，
行藏動態應端正規矩應遵守。
我决心改過正途先將身心修，
沉迷自覺回頭，莫自誤，唔！有成就。
唔！有成就。