作詞：阿李
作曲：阿李
編曲：阿李
世界變因為人變
所有人同事 都因為錢而不斷改變
因為金錢可以將欲望兌現
錢唔係萬能 但係無錢萬萬不能
現實顯而易見
好人一個過錯就會失去期望
白紙上嘅黑點 總係被當係污點觀看
壞人一錯再錯已經失去期望
黑紙上嘅白點 竟然變成驚喜同希望
人越大越發現好人難做
但係做壞人 完全無難度
拋棄同理心 當周圍嘅苦難無道
放棄操守同道德 無需要為其他人苦惱
我努力繼續嘗試 朝著道德嘅標誌
保持意志 堅守我認為良善嘅定義 (But i fail)
欺騙到其他人 但係欺騙唔到自己
係好人定係壞人 只有自己清楚自己
I,m trying to be the good guy (Don,t lie)
Please believe me
I just wanna be the good guy
I,m trying to be the good guy (Don,t lie)
Look into my eyes
I just wanna be the good guy
Good guy or bad guy (Don,t lie)
I just wanna be the good guy
Good guy or bad guy (Don,t lie)
You know who you are
我再分唔清好壞 原來人性嘅慾望比世界更龐大
慢慢明白 世事唔係非黑即白
世上所有野 都有模糊嘅邊界
大多數人 其實表裡不一
表面達官貴人 但係踩滿屍骨
花天酒地 充滿慾望嘅都市
一疊疊銀紙 將人性嘅邪惡都顯現
你有無曾經違背良心 (Don,t lie)
你有無為利益剝削其他人 (Don,t lie)
你有無為慾望消費其他人 (Don,t lie)
你有無將快樂建築喺其他人痛苦之上
當你認清背後嘅真相
你嘅選擇決定你嘅方向 內心嘅模樣由每件事刻劃
每個決定 都要面對自己嘅良心
因為將來嘅果 都係源自今日嘅因
當你指責對方嘅錯又有無諗過苦衷
當你要求大家合作又有無參與其中
當你應承對方又有無用心投入當中
定係求其交貨當人地嘅要求係耳邊風
當你講緊禮貌 又有無保持身教
當你進入罵戰 其實又為左咩野爭拗
當你指責其它人嘅質素
你又有無諗過自己嘅質素 你嘅道德又喺邊度
生活中 每一件瑣事 都係你嘅標誌
象徵你做人處事嘅宗旨 (connect to you)
你做過嘅壞事 你自己心知
係好人定係壞人 你自己心照
Good guy or bad guy
物質氾濫嘅世界 又可唔可以堅守道德嘅邊界
Good guy or bad guy
歪理充斥嘅世界 又有無辦法保持公義嘅心態