作詞：張燕青
作曲：張燕青
編曲：張振傑
黯淡的月 伴阮傷心延路迺
淡水河邊孤單坐 往事親像船經過
山盟海誓流不回 糖甘蜜甜怨恨代替
今夜春夢袂叨位買
心情親像水中月 愛像水中花
冷風對面過 酸風對面吹
癡情親像紙風箏 癡心連落地
苦情誰人陪 苦酒誰乾杯
希望最後一回 最後一杯
飲乾感情債 悲傷隨著波浪陣陣退
------------------------------------------
8112/《水中月》Tsuí-tiong Gue̍h
傅振輝Pòo Tsín-hui
暗淡的月
àm-tām ê gue̍h
伴阮傷心沿路踅
phuānn gún siong-sim iân-lōo se̍h
淡水河邊孤單坐
Tām-tsuí-hô pinn koo-tuann tsē
往事親像船經過
óng-sū tshin-tshiūnn tsûn king-kuè
山盟海誓流不回
san-bîng-hái-sè lâu put-huê
糖甘蜜甜怨恨代替
thn̂g-kam-bi̍t-tinn uàn-hūn tāi-thè
今夜春夢欲佗位買
kim-iā tshun-bāng beh tó-uī bé
心情親像水中月
sim-tsîng tshin-tshiūnn tsuí-tiong gue̍h
愛像水中花
ài tshiūnn tsuí-tiong hue
冷風對面過
líng-hong tuì bīn kuè
霜風對面吹
sng-hong tuì bīn tshue
痴情親像紙風吹
tshi-tsîng tshin-tshiūnn tsuá-hong-tshue
痴心連落地
tshi-sim liân lo̍h-tē
苦情啥人陪
khóo-tsîng siánn-lâng puê
苦酒誰乾杯
khóo-tsiú siáng kan-pue
希望最後一回
hi-bāng tsuè-āu tsi̍t-huê
最後一杯
tsuè-āu tsi̍t-pue
啉焦感情債
lim ta kám-tsîng-tsè
悲傷隨著波浪
pi-siong suî tio̍h pho-lōng
陣陣退
tsūn-tsūn thè