Text：鄧潔明
以前喺學校 睇住你打波 我哋好近
後尾你同屋企人要去澳洲喇 我哋又好遠
到我幫阿Ben寄結婚咭比你 收到你嘅e-mail 我又覺得近返喇
你返咗嚟觀禮 我哋見面模糊到只係講咗聲Hi
我哋簡直係兩個世界咁遠
成班人送你機嗰日呢 我揸緊車
你同佢哋講返我讀書嗰陣時又瘦又土喎
我發現 我對你原來係咁近架
一次巧合 四個人一齊嚟Sydney度假兼探你
點知玩到第四日 你先話聽日要過去Melbourne讀書呀
就係嗰一秒 我竟然唔捨得你要去咁遠
朝頭早六點 你要去機場
外面開始落雪 我終於忍唔住講：「比我同你一齊去呀」
你傻咗唔識答嘅樣 令我猶豫
但係我知今次如果唔講 我呢一世都唔會再提喇
飛返嚟香港 帶住你比我嘅頸巾
我先明兜轉咗咁多年 飛過半個地球咁遠
都只係要我儲夠能量去同你講：「我愛你」