作詞：詹雅雯
作曲：穎川
暗淡的心像黃昏 日落西山的時袸 不是月亮無照光
是命運鎖阮的門 路燈免替阮照影 有光無光對我無差
不是我討厭光線 是找無鎖鑰開門看 虛華的世界
你有看著啥 甘有像我看清人生啊 世間路這段
你有看著啥 甘有像我看清人情的變化 黑暗用心看路行
有生命就要認真活 彩色阮無用目睭看 要用心活出彩色運命
6091/《彩色人生》Tshái-sik Jîn-sing
詹雅雯Tsiam Ngá-bûn
暗淡的心像黃昏
àm-tām ê sim tshiūnn hông-hun
日落西山的時陣
ji̍t lo̍h se-san ê sî-tsūn
毋是月娘無照光
m̄-sī gue̍h-niû bô tsiò-kng
是命運鎖阮的門
sī miā-ūn só gún ê mn̂g
路燈免替阮照影
lōo-ting bián thè gún tsiò iánn
有光無光對我無差
ū kng bô kng tuì guá bô-tsha
毋是我討厭光線
m̄-sī guá thó-ià kng-suànn
是揣無鎖匙開門看
sī tshuē-bô só-sî khui-mn̂g khuànn
虛華的世界
hi-hua ê sè-kài
你有看著啥
lí ū khuànn-tio̍h siánn
敢有像我
kám ū tshiūnn guá
看清人生啊
khuànn tshing jîn-sing--ah
世間路這段
sè-kan lōo tsit tuānn
你有看著啥
lí ū khuànn-tio̍h siánn
敢有像我
kám ū tshiūnn guá
看清人情的變化
khuànn tshing jîn-tsîng ê piàn-huà
烏暗用心看路行
oo-àm iōng-sim khuànn lōo kiânn
有性命著愛認真活
ū sènn-miā tio̍h-ài jīn-tsin ua̍h
彩色阮無用目睭看
tshái-sik gún bô iōng ba̍k-tsiu khuànn
欲用心活出彩色運命
beh iōng-sim ua̍h tshut tshái-sik ūn-miā