作詞：張靜洳
作曲：林從胤
走過孤單偎寒的風雨
才知有人陪伴的甘露
坎坷的情路 怨嘆無路用
向前行會吹來一陣春風
走過情海浮沉的艱苦
才知簡單平凡是幸福
失落的腳步 是美麗的錯誤
哪無傷過 哪會知影惜福
感謝彼個人 疼阮疼到這
等到彼工 春來花紅 阮嘛找到愛的希望
感謝彼個人 無委屈成全
走過彼段 風吹雨淋 阮會感受愛的溫暖
------------------------------------------
《感謝彼个人》Kám-siā Hit ê Lâng
江惠儀Kang Huī-gî
行過孤單畏寒的風雨
kiânn kuè koo-tuann uì-kuânn ê hong-hōo
才知有人陪伴的甘露
tsiah tsai ū-lâng puê-phuānn ê kam-lōo
坎坷的情路
khám-khia̍t ê tsîng-lōo
怨嘆無路用
uàn-thàn bô-lōo-iōng
向前行
hiòng-tsiân kiânn
會吹來一陣春風
ē tshue lâi tsi̍t-tsūn tshun-hong
行過情海浮沉的艱苦
kiânn kuè tsîng-hái phû-tîm ê kan-khóo
才知簡單平凡是幸福
tsiah tsai kán-tan pîng-huân sī hīng-hok
失落的跤步
sit-lo̍h ê kha-pōo
是美麗的錯誤
sī bí-lē ê tshò-ngōo
若無傷過
nā bô siong--kuè
哪會知影惜福
ná ē tsai-iánn sioh-hok
感謝彼个人
kám-siā hit-ê lâng
疼阮疼到遮
thiànn gún thiànn kàu tsia
等到彼工
tán-kàu hit kang
春來花紅
tshun lâi hue âng
阮嘛揣著愛的希望
gún mā tshuē-tio̍h ài ê hi-bāng
感謝彼个人
kám-siā hit-ê lâng
無委屈成全
bô uí-khut sîng-tsuân
行過彼段
kiânn kuè hit tuānn
風吹雨淋
hong tshue hōo lâm
阮會感受愛的溫暖
gún ē kám-siū ài ê un-luán