作詞：江惠儀
作曲：江惠儀
聽大人的話 我有加讀冊
凡事著愛吞忍相讓 一定袂脫箠
莫計較遐濟 愛憨憨去做
毋免煩惱得到啥貨 重要是經過
我恬恬忍耐 我沓沓等待 向望著成功的未來
聽頭家的話 乖乖做工課
戲棚跤徛久是我的 免怨天怨地
要求遐爾濟 是予我磨鍊
毋是大家攏有機會 愛謝天謝地
我決心忍耐 我耐心等待 人講的成功的未來
疑問毋通講出來 頂頭的話莫疑猜 溫馴扶挺才可愛
好歹攏假作毋知 破壞和平不應該 莫參別人無仝款
天光抑毋願醒來 鏡內的人不熟似 夢中我走揣答案
逐工唸一回 莫傷濟意見
三十幾歲我才體會
這社會無問題
上好莫有問題
若問 你就是 問題