作詞：江惠儀
作曲：江惠儀
看袂清 也摸袂著伊的身軀 有偌高 抑偌遠嘛袂凍計算
無人知 伊到底是啥物身份 每一工 無暝無日攏無歇睏
無人借問 也無朋友
無聊的雲 戴著追求自由的面具
煽動著 你的我的無助的憂悶 無需要允准
寂寞的雲 畫著真假難分的面腔
搝搦著 你的我的空虛的緣份 由在伊按算 落手無躊躇
伊總是 為咱的遭遇流目屎 伊總是 為著不平感覺憤慨
你毋知 啥物故事經過誰的設計安排
何時行入 何時離開 你的秘密攏被公開
伊看咱泅佇 無邊無岸無解的命運
戲弄著 你的我的無助的靈魂 無需要顧慮
伊看咱搬著 這齣揣無未來的劇本
舞弄著 你的我的空虛的青春 袂為咱保留 半點攏無賰
咱永遠 走袂離伊造的世界