《大家樂》插曲
作詞：黃霑
作曲：黃霑
「乜野都係非財不行
就算刮沙都要搵個大銀
無錢你想做事就盞頭崩
無錢就做人都手震
開講話窮在鬧市無人問
富在深山有遠親
所以乜親物親都係假
始終晤及錢親」
錢錢錢直頭係親 錢錢錢確係最親
錢無財無有乜水關心
無銀紙乞人憎
親朋崁扮冷匿埋怕到震
水一乾斷埋六親 搵倒銀四圍有親
咪話成日發顛把錢搵
搾住銀紙掙實黃金
當堂崁扮冷黐埋黎讚你啃
「咁講唔係我教壞人 個世界實情係咁
正財橫財大財小財都係銀
男搵女搵老搵嫩搵人人搵
錢真係非搵嘅不可 只要係非可嘅不搵
偷呃拐騙箍頸打劫就話唔好啫
否則銀紙豈可不搵」
錢錢錢實行係搵 搵到錢無人會憎
吔飯油鹽柴米醬與醋
你話邊樣唔用銀 你話邊樣唔用金
要人日日安貧係老櫬
開口梗係成日錢 依家邊有人要心
心事其實算得幾錢斤
數住紅底揸埋大銀
當堂令我開懷夾有癮
「只有耶穌先至講心
做凡人就要搵銀
連你犯法都要罰銀
俾左錢先至可以鬆人
子日:「富而可及也 雖執鞭之士都吾亦為之。
」
孔夫子係大聖人 佢一樣對人咁教訓」
講心只係成日講 孔子都教人要金
數住成疊最多手起枕
港幣同鎊紙坡幣同美金
一齊崁扮冷收埋最過癮
錢錢錢又唔係腥 錢多點有人會憎
數住成日唔怕手抽筋
錢令人盡歡錢令人熱心
鬼神為你推磨就最過癮