作詞：李巖修
作曲：徐嘉良
夜快車一班一班行 明知你抹擱愛我
繼續等或是上車 橫直攏總同款的心痛
夜快車一班一班行 明知你要離開我
陪阮等尾班的車 分手的車票就留乎我
故事惦深深的深夜 聽一首分手的歌
憨憨聽憨憨站惦這 風真寒感慨真大
夜快車惦惦一直行 載著咱幸福的生活
慢慢開慢慢行到煞 結果是自己落車
14177/《夜快車》Iā-khuài-tshia
張秀卿Tiunn Siù-khing
夜快車
iā-khuài-tshia
一幫一幫行
tsi̍t-pang tsi̍t-pang kiânn
明知你袂閣愛我
bîng-tsai lí buē koh ài guá
繼續等抑是上車
kè-sio̍k tán ia̍h-sī tsiūnn-tshia
橫直攏總
huînn-ti̍t lóng-tsóng
仝款的心疼
kāng-khuán ê sim-thiànn
夜快車
iā-khuài-tshia
一幫一幫行
tsi̍t-pang tsi̍t-pang kiânn
明知你欲離開我
bîng-tsai lí beh lī-khui guá
陪阮等尾幫的車
puê gún tán bué-pang ê tshia
分手的車票
hun-tshiú ê tshia-phiò
就留予我
tiō lâu hōo guá
故事踮深深的深夜
kòo-sū tiàm tshim-tshim ê tshim-iā
聽一首分手的歌
thiann tsi̍t-siú hun-tshiú ê kua
戇戇聽
gōng-gōng thiann
戇戇徛踮遮
gōng-gōng khiā tiàm tsia
風真寒
hong tsin kuânn
感慨真大
kám-khài tsin tuā
夜快車恬恬一直行
iā-khuài-tshia tiām-tiām it-ti̍t kiânn
載著咱幸福的生活
tsài tio̍h lán hīng-hok ê sing-ua̍h
慢慢開
bān-bān khui
慢慢行到煞
bān-bān kiânn kàu suah
結果是家己落車
kiat-kó sī ka-kī lo̍h-tshia