作詞：林夕
作曲：伍樂城
編曲：伍樂城 @ Baron Pro
監製：伍樂城 @ Baron Pro
曾經聽過一個關於【人】關於【愛】嘅神話
相傳以前嘅人】
本來係有兩對手同兩對腳嘅
雖然係一個個體
但係就有兩張臉孔
同埋有兩個腦袋
就好似而家嘅人
兩個人背對背癡埋一齊咁樣
當時嘅【人】
氣力大得驚人
思想同精神又越嚟越不受控制
甚至有能力可以攻擊天上嘅諸神
【人】嘅力量開始困擾到天神
最終諸神之王宙斯將【人】一分為二
就係咁樣變成咗男人同女人
我會與你 變愛侶就是為著 在歷史低溫當天那一抱
那晚太冷如無法獨自活著 若蕩失荒街之中再也不可碰到
這些年來 這一路伴隨
每次我帶著倦透的身軀 仍然可 捱下去
只因很清楚得到世界最後也許 隨時能失去
但在你的懷裡 我們兩位一體不要緊一抱緊得與失也無拘
相擁中的你我 抱憾過 軟弱過如何又分得了你或我
抱恙時讓我去抱著你 我兩個變了一個早不必說什麼
猶如融入你歎息 你背影 你處境
如懷著我們半邊的生命
美麗而無聲 聽著無言心聲
自從人類被分成兩半以後
每一個人都會不其然好想念自己嘅另一半
好希望終於可以搵番自己失落嘅另一半
每對愛侶 愛夠了就是道別 道別跟相好一般抱一抱
那次看你 拿行李逐步逐步
踏入海關邊揮手 那記憶多恐怖
這些年來 這一路伴隨
在外面明白獨處的空虛 仍然可 撐下去
只因很清楚得到世界最後也許 隨時能失去
但在你的懷裡
我們兩位一體不要緊一抱緊傷了不靠藥水
相擁中的你我 抱憾過 軟弱過如何又分得了你或我
抱恙時讓我去抱著你 我兩個變了一個早不必說什麼
猶如融入你歎息 你背影 你處境
如懷著我們半邊的生命
美麗而無聲 聽著無言心聲
但係由於【人】被一分為二之前
都係背對背嘅
從來未見過對方嘅樣貌
所以就算真係有機會遇見
都有可能會擦身而過
一生只愛一人說過幾多 用力在懷內交心好過
世界最暖莫如體溫 笑著喊著抱著其實都不錯
發誓一世也照料你 又哪及張開手臂做你我的窩
抱恙時讓我去抱著你
我倆個變了一個早不必說什麼
猶如融入你歎息你背影你處境
如成就世上最終的名勝
美麗而無聲 聽著無言心聲
情懷可不朽只有抱入懷做證
愛情其實係一個有關自己尋找自己嘅故事
你揾到你嘅另一半未呀？
你搵番自己未呀？