作詞：秋桑
作曲：秋桑
編曲：陳致成
舉頭向天四格看 看無月娘的形影
陰暗那一款沒人通作伴 也沒月娘通好看
舉頭向天擱再看 看見滿星地笑我
陰暗那一款滿星攏地看 看我為何心痛疼
孤單的生活 啊癡情的拖磨 到底是為著伊
啊也是為著我 啊沒人會了解我 啊沒人來安慰我
感情的問題恐驚只有 只有甲己知影
------------------------------------------
10370/《痴情的拖磨》Tshi-tsîng ê Thua-buâ
張瀛仁Tiunn Îng-jîn
攑頭向天四界看
gia̍h-thâu hiòng thinn sì-kè khuànn
看無月娘的形影
khuànn-bô gue̍h-niû ê hîng-iánn
盈暗哪這款
îng-àm ná tsit khuán
無人通做伴
bô-lâng thang tsuè-phuānn
也無月娘通好看
iā bô gue̍h-niû thang-hó khuànn
攑頭向天閣再看
gia̍h-thâu hiòng thinn koh-tsài khuànn
看見滿星咧笑我
khuànn-kìnn muá tshinn teh tshiò guá
盈暗哪這款
îng-àm ná tsit khuán
滿天星攏咧看
muá tshinn lóng teh khuànn
看我為何心痛疼
khuànn guá uī-hô sim thàng-thiànn
孤單的生活
koo-tuann ê sing-ua̍h
啊~痴情的拖磨
ah~ tshi-tsîng ê thua-buâ
到底是為著伊
tàu-té sī uī-tio̍h i
啊~抑是為著我
ah~ ia̍h-sī uī-tio̍h guá
啊~無人會了解我
ah~ bô-lâng ē liáu-kái guá
啊~無人來安慰我
ah~ bô-lâng lâi an-uì guá
感情的問題
kám-tsîng ê būn-tuê
恐驚只有
khióng-kiann tsí-ū
只有家己知影
tsí-ū ka-kī tsai-iánn