8822/《牽手情》Khan-tshiú Tsîng
張艾莉Tiunn Ngāi-lī(鳳娘Hōng-niû)
一張無字的批信
tsi̍t-tiunn bô jī ê phue-sìn
囥身邊欲五十年
khǹg sin-pinn beh gōo-tsa̍p nî
想起伊
siūnn-khí i
阿公總是淡薄仔傷悲
a-kong tsóng-sī tām-po̍h-á siong-pi
年歲欲盡
nî-huè beh tsīn
猶原深情
iu-guân tshim-tsîng
彼張無字的批信
hit tiunn bô jī ê phue-sìn
留著一陣伊的氣味
lâu tio̍h tsi̍t-tsūn i ê khì-bī
風吹時
hong tshue sî
阿公會當做伊佇身邊
a-kong ē tàng-tsuè i tī sin-pinn
毋願講起彼段
m̄-guān kóng-khí hit tuānn
斷線的情
tn̄g-suànn ê tsîng
雙人日思夜夢
siang-lâng ji̍t-su iā-bāng
疼惜的牽手情
thiànn-sioh ê khan-tshiú tsîng
為著世情來犧牲
uī-tio̍h sè-tsîng lâi hi-sing
毋知看過
m̄-tsai khuànn-kuè
偌濟無緣的籤詩
guā-tsuē bô-iân ê tshiam-si
夜夜怨嘆人生
iā-iā uàn-thàn jîn-sing
受天創治
siū thinn tshòng-tī
世間幸福情人
sè-kan hīng-hok tsîng-jîn
愛疼惜牽手情
ài thiànn-sioh khan-tshiú tsîng
毋通隨意放棄
m̄-thang suî-ì hòng-khì
有人溫暖相依
ū-lâng un-luán siong-i
有人冷淡空虛
ū-lâng líng-tām khang-hi
感謝伊佇你身邊
kám-siā i-tī lí sin-pinn