作詞：葉竣江
作曲：陳英吉
編曲：尤景仰
兩人牽手來到 昔日的海岸
一陣冷風 吹來心畏寒 聽到電話內的聲
看你不敢叫伊的名 阮惦惦當作不知影
原來你的心 才留乎我一半
傷心的目屎 怎樣來看破
啊…心痛看祙到 痛入心肝才知影
咱的緣份還無散 感覺愈來愈孤單
啊…心痛看袂到 痛入心肝才知影
若是會凍甲伊對換 阮甘願換來看袂到的心痛
------------------------------------------
8315/《心疼看袂著》Sim Thiànn Khuànn Buē Tio̍h
朱海君Tsu Hái-kun
兩人牽手
nn̄g-lâng khan-tshiú
來到昔日的海岸
lâi-kàu sik-ji̍t ê hái-huānn
一陣冷風
tsi̍t-tsūn líng-hong
吹來心畏寒
tshue--lâi sim uì-kuânn
聽著電話內的聲
thiann-tio̍h tiān-uē lāi ê siann
看你毋敢叫伊的名
khuànn lí m̄-kánn kiò i ê miâ
阮恬恬
gún tiām-tiām
當做毋知影
tòng-tsuè m̄ tsai-iánn
原來你的心
guân-lâi lí ê sim
才留予我一半
tsiah lâu hōo guá tsi̍t-puànn
傷心的目屎
siong-sim ê ba̍k-sái
怎樣來看破
tsuánn-iūnn lâi khuànn-phuà
啊~心疼看袂著
ah~ sim thiànn khuànn buē-tio̍h
疼入心肝才知影
thiànn ji̍p sim-kuann tsiah tsai-iánn
咱的緣份猶未散
lán ê iân-hūn iáu-buē suànn
感覺愈來愈孤單
kám-kak jú lâi jú koo-tuann
啊~心疼看袂著
ah~ sim thiànn khuànn buē tio̍h
疼入心肝才知影
thiànn ji̍p sim-kuann tsiah tsai-iánn
若是會當佮伊對換
nā-sī ē-tàng kah i tuì-uānn
阮甘願換來
gún kam-guān uānn lâi
看袂著的心疼
khuànn buē-tio̍h ê sim-thiànn