臺語歌曲
原自日本歌曲'花笠道中'
作詞：葉俊麟
作曲：米山正夫
請借問，播田的田莊阿伯啊，
人塊講繁華都市，台北對叼去，
阮就是無依偎，可憐的女兒，
自細漢着來離開，父母的身邊，
雖然無人替阮安排，將來代誌，
阮想要來去都市，做着女工渡日子，
也通來安慰自己，心內的稀微。
請借問，路邊的賣煙阿姐啊，
人塊講對面彼間，工廠是不是，
貼告示要用人，阮想要來去，
我看你猶原不是，幸福的女兒，
雖然無人替咱安排，將來代誌，
在世間總是着要，自己打算才合理，
青春是不通耽誤，人生的真義。
請借問，門頭的辦公阿伯啊，
人塊講這間工廠，有要採用人，
阮雖然也少年，攏不知半項，
同情我地頭生疏，以外無希望，
假使少錢也要忍耐，三冬五冬，
為將來為着幸福，甘願受苦來活動，
有一日總會得着，心情的輕鬆。