作詞：郭大誠
作曲：日本曲
座火車 過山洞 心情真輕鬆
車頂一位水姑娘 眼睛真活動
嘴皮胭脂抹紅紅 長長黑頭鬃
看人就用眼尾送 害阮心裡跳恰恰
要問你 一句話 不知通不通
坐火車 到嘉義 心情真趣味
車頂那個水姑娘 對阮笑咪咪
讓我加添著勇氣 輕輕走瓦去
嘟好開嘴要問他 忽然聽到逼逼逼
想問伊 一句話 擱再吞落去
坐火車 過鐵橋 身軀跟他搖
耳空邊勒玲瓏叫 身軀像火燒
請問小姐要叨去 感會感悉微
那要感覺有趣味 咱來作著好友誼
怎樣你 沒誠意 越頭做你去
-----------------------------------------
《車頂媠姑娘》Tshia-tíng Suí Koo-niû
秀蘭瑪雅Showlen Maya
坐火車過磅空
tsē hué-tshia kuè pōng-khang
心情真輕鬆
sim-tsîng tsin khin-sang
車頂一位媠姑娘
tshia-tíng tsi̍t-uī suí-koo-niû
目睭真活動
ba̍k-tsiu tsin ua̍h-tāng
喙䫌胭脂抹紅紅
tshuì-phué ian-tsi buah âng-âng
長長烏頭鬃
tn̂g-tn̂g oo-thâu-tsang
看人就用目尾送
khuànn lâng tsiū iōng ba̍k bué sàng
害我心內跳赤赤
hāi guá sim-lāi thiàu tshiah-tshiah
欲問你一句話
beh mn̄g lí tsi̍t-kù uē
毋知通毋通
m̄-tsai thang m̄-thang
坐火車到嘉義
tsē hué-tshia kàu Ka-gī
心情真趣味
sim-tsîng tsin tshù-bī
車頂彼个媠姑娘
tshia-tíng hit-ê suí-koo-niû
對阮笑咪咪
tuì gún tshiò bi-bi
予我加添著勇氣
hōo guá ka-thiam tio̍h ióng-khì
緊緊行倚去
kín-kín kiânn uá khì
拄好開喙欲問伊
tú-hó khui-tshuì beh mn̄g i
忽然聽著觱觱觱
hut-jiân thiann-tio̍h pi-pi-pi
欲問的一句話
beh mn̄g ê tsi̍t-kù uē
閣再吞落去
koh-tsài thun--lo̍h-khì
坐火車過鐵橋
tsē hué-tshia kuè thih-kiô
身軀佮伊搖
sin-khu kah i iô
耳空邊咧lìn-lòng叫
hīnn-khang-pinn teh lìn-lòng kiò
心肝像火燒
sim-kuann tshiūnn hué-sio
請問小姐欲佗去
tshiánn-mn̄g sió-tsiá beh toh khì
敢會感稀微
kám ē kám hi-bî
若欲感覺有趣味
nā beh kám-kak ū tshù-bī
咱來做著好友誼
lán lâi tsuè tio̍h hó iú-gî
怎樣你無誠意
tsuánn-iūnn lí bô sîng-ì
越頭做你去
ua̍t-thâu tsuè lí khì