13772/《愛情的坦白》Ài-tsîng ê Thán-pe̍h
秀蘭瑪雅Showlen Maya
厝內有淡薄仔寒
tshù-lāi ū tām-po̍h-á kuânn
心肝有淡薄仔疼
sim-kuann ū tām-po̍h-á thiànn
想欲揣你來做伴
siūnn-beh tshuē lí lâi tsuè-phuānn
雖然結局是拖磨
sui-jiân kiat-kio̍k sī thua-buâ
這杯傷心的酒
tsit pue siong-sim ê tsiú
我留予我
guá lâu hōo guá
一句愛情的坦白
tsi̍t-kù ài-tsîng ê thán-pe̍h
予你當做是笑詼
hōo lí tòng-tsuè sī tshiò-khue
一杯一杯啉落
tsi̍t-pue-tsi̍t-pue lim--lo̍h
真怨慼
tsin uàn-tsheh
敢講你
kám-kóng lí
已經反悔
í-king huán-hué
一句愛情的坦白
tsi̍t-kù ài-tsîng ê thán-pe̍h
傷心怎樣攏袂退
siong-sim tsuánn-iūnn lóng buē thuè
一字一字
tsi̍t-jī-tsi̍t-jī
攏是白賊話
lóng-sī pe̍h-tsha̍t-uē
阮的傷心
gún ê siong-sim
按怎賠
án-tsuánn puê