作詞：陳奐仁、歐陽靖
作曲：陳奐仁
希望你聽完首歌 希望你會記住我
就算希望冇咗 希望你唔會做錯
無論你企定係坐 去右定係去左
有D乜嘢後果 你一早就預咗
無論你點樣跌親 希望你企番起身
有D乜嘢夢想 希望會可以成真
社會有咁多問題 人生有乜嘢價值
做人要樂觀一下 希望會減到壓力
你話你男朋友 手又唔拖插住個袋
仲有其他壞習慣 希望佢自己會改
你話你女朋友 冇一次會比你落台
希望佢總會知佢男朋友係一表人才
唔好講錢 有時可以講feel
年青人 希望你 搵到人生目標
希望冇人比到你 一定要自己爭取
冇就冇 但係有就可以繼續落去
若沒希望，怎有夢想
如何信仰，為誰堅強
我的希望，我的夢想
為你燦爛，給我方向
咁多人會發達 究竟有冇我份
我仲有冇希望 而家喺度研究緊
但係諗吓諗吓 發覺錢唔係萬能
橫掂冇 希望保持到呢種嘅精神
講嚟講去 都係講番果句
希望我屋企人身體健康 長命百歲
成熟咗少少 或者我開始諗通
希望我總有一日可以做到個好老公
之後再做埋老豆 有超聲波睇
女都一樣會咁錫 但係我希望係仔
Obama都得 只要有人去捧
希望我可以見到一個黃皮膚0既總統
希望我搵到真理 希望我搵到自己
快樂最後一班船 希望我得到船飛
開心嘅日子 陸續有嚟
儲埋儲埋都得 因為希望唔會過期
若沒希望，怎有夢想
如何信仰，為誰堅強
我的希望，我的夢想
為你燦爛，給我方向
希望就在你的手中
希望就在我的手中
希望放在我的口中
希望握著我的手
希望就在你的手裡
希望就在我的手裡
希望放在我們心裡
希望
若沒希望，怎有夢想
如何信仰，為誰堅強
我的希望，我的夢想
為你燦爛，給我方向
希望就在我們手中
希望放在我們心中