作詞：黃秋生
作曲：黃秋生
編曲：地樂團
今晚想去邊去邊 今晚想去癲
一於走去飲醉先 冇曬理智變野獸面
搵返一個Kit女先 等陣想去邊
One Night Stand 似死似仙 興到兩隻眼會發電
笠保險套邊夠堅 一於真砌先
邊得咁o既彩數先 八個禮拜血再去驗
身體一向好鬼堅 傷風抖兩天
點知呢次咳到癲 瘦到隻腳幼過幼麵
醫生講完叫我歎下 呢舖玩完啦
不知幾時 就有變化 嚇到我叫亞爸 爸爸 爸爸
親戚知到好冇面 始終都會穿
收工都冇心去癲 冇曬興趣冇曬意願
身邊好友知到點 好鬼驚你添
一於家裡不見天 怕見老友怕會發現
唸三唸四唸到邊 諗緊死會點
生瘤生到好眼冤 最怕你會發到上面
醫生又call我話搞錯添 哦呢舖點計先
開心得我飛上天 叫我快快血再去驗
醫生講完叫我下 呢舖擺平啦
心境當堂就有變化 笑到我叫亞爸 爸爸 爸爸
今晚又想去邊去邊 慳返我返去先
屋企飲下啤酒先 歎下世界冇你咁亂
三幾好友煲下煙 喜歡又打四圈
聽朝可以跑下圈 無咁快老要去鍛練
聽晚又想去邊去邊 租碟睇下先
心思思想去玩下先 快快約個女友見面