作詞：朱約信
作曲：朱約信
編曲：朱約信
我有一個朋友叫阿清
伊卡早是大同理工的學生
畢業了後予人調去馬祖做兵
是阮共輩中間的精英
伊講為著台灣著勇敢向前
咱是企佇這塊島嶼的頭頂
台灣囝仔若逐家攏無願作兵
獨立了後煞無儂倘幫咱戰爭
十日了後 給我回應
無想到馬祖是這種環境
伊講心內實在有夠凝
想欲甲代誌齊來抦
馬祖的黨部有塊招生
輔仔有講加入著會卡清
毋免出操嘛免站衛兵
若是想欲讀冊汝不時嘛有閒
伊講 若做抓耙仔 恁爸袂興 甘願 安分作大頭兵
寒天 雖然有卡冷 但是 是非著分乎明
我有一個朋友 我有一個朋友
我有一個朋友塊作兵
我有一個朋友當塊作兵
我有一個朋友亦塊作兵
故事擱咧繼續 亦未完整
若擱出唱片 即甲恁講乎明