作詞：火火
作曲：馮庭正
編曲：馮庭正
監製：馮庭正
十四歲與阿友放肆通街走
就似兩隻妖獸
到處去惡搞霸佔地頭
永冇怕醜
十八歲偶爾與少女拖拖手
亦向阿友啟奏
佢教我放膽咪似木頭
情義似戰~隊
分享返工那薪水
如失戀通宵劈住醉
男人的低谷永伴隨
是熱血戰隊
求安心吹水不怕心虛
能高聲哭泣我唔驚衰
陪死黨撐落去
為死黨哪怕累
即使有隻鑊
大雄像你叮噹似我
廿八歲各有各要結婚供樓
做嘢養個狗竇
與阿友擔子載滿石頭
冇見太久
在某晚我有我帶個仔拖狗
撞見你個損友
與阿友坐低細說從頭
回味這戰~隊
喜歡波地吐口水
而叮噹聲音也在失去
時光機高速送別誰
但是這戰隊
從激光槍可吹到Sam Hui
扮經典Mark哥紀念家駒
回憶返到十歲
做老死
相識怎說起
𡃁仔恰我我恰你
做老死
分開一世紀
都可禿髮再嬉戲
要搭膊頭隨時搵你
大無畏乜都擔得起
腳力曳陪伴我包尾
有病痛能為你沖喜
Woo~~Woo~~~
期望到八十勾
篤起拐杖你幫手
仍高呼彼此老朋友
唔使講𡃁仔隔夜仇
在壽宴敬酒
仍威風穿起黑暗風褸
連𡃁妹都跟我哋hang out
才稱得上隊友
年青心態照舊
飛車去旅行
仍然在你身邊有我