作詞：蔡婉怡、陳怡安
作曲：蔡婉怡
忽然間 一陣風 將你化成一片葉
惦惦啊 輕輕 飄落阮心中
對面還是 賣著你 愛吃的黑糖粿
黑糖的香味 會乎我想到你慈愛的笑面
落葉若飛 我跟你飛 飛去天頂我看你笑瞇瞇
想起那時 作伙吃黑糖粿 記憶中你笑甲這呢甜
如今 叫賣聲音 隨風飛 飛來阮夢中
會好好照顧我家己 知影你暝暝中攏置我的身邊
去台北 找看麥 咁有卡出息的頭路
阿嬤 免煩惱 我不驚吃苦
包袱仔內底 放著你 愛吃的黑糖粿
我若累啊 吃一嘴會凍感受 你對我的疼惜
思念若飛 我跟你飛 飛去天頂我看你笑瞇瞇
想起那時 作伙吃黑糖粿 記憶中你笑甲這呢甜
如今 叫賣聲音 隨風飛 飛來阮夢中
會好好照顧我家己 知影你暝暝中攏置我的身邊
落葉若飛 我跟你飛 你置天頂愛過甲笑瞇瞇
想起那時 作伙吃黑糖粿 記憶中你笑甲這呢甜
綿綿 黑糖的香味 放心中 乎我來想你
想你就親像葉一片 知影你暝暝中 攏置我的身邊