作詞：范俊逸
作曲：李秉宗
編曲：陳玉立
因為你的薄情義 害阮辜負青春年
阮的情放彼深 親像花蕊飛落黑暗天
阮想要將你放袂記 笑阮自己這天真
這甘是一齣用目屎演出的戲
傷心歌唱到天光 傷心酒醉甲斷腸
阮的心沒人安慰 為情為愛流著傷心淚
傷心歌唱到天光 傷心酒醉甲斷腸
阮的愛隨風漂流 親像露水冷酸酸
------------------------------------------
7219/《傷心歌唱到天光》Siong-sim Kua Tshiùnn Kàu Thinn Kng
謝金燕Siā Kim-iàn
因為你的薄情義
in-uī lí ê po̍h tsîng-gī
害阮辜負青春年
hāi gún koo-hū tshing-tshun nî
阮的情囥遐深
gún ê tsîng khǹg hiah tshim
親像花蕊飛落烏暗天
tshin-tshiūnn hue-luí pue lo̍h oo-àm thinn
阮想欲將你放袂記
gún siūnn-beh tsiong lí pàng-buē-kì
笑阮自己遮天真
tshiò gún tsū-kí tsiah thian-tsin
這敢是一齣
tse kám-sī tsi̍t-tshut
用目屎演出的戲
iōng ba̍k-sái ián-tshut ê hì
傷心歌
siong-sim kua
唱到天光
tshiùnn kàu thinn kng
傷心酒
siong-sim tsiú
醉甲斷腸
tsuì kah tuān-tn̂g
阮的心無人安慰
gún ê sim bô-lâng an-uì
為情為愛
uī tsîng uī ài
流著傷心淚
lâu tio̍h siong-sim luī
傷心歌唱到天光
siong-sim kua tshiùnn kàu thinn kng
傷心酒醉甲斷腸
siong-sim tsiú tsuì kah tuān-tn̂g
阮的愛隨風漂流
gún ê ài suî hong phiau-liû
親像露水冷霜霜
tshin-tshiūnn lōo-tsuí líng sng-sng