8838/《回頭攏是夢》Huê-thâu Lóng-sī Bāng
陳盈潔Tân Îng-kiat
咱的目屎
lán ê ba̍k-sái
為誰流規暝
uī siáng lâu kui-mî
人生的故事
jîn-sing ê kòo-sū
親像一張一張的批
tshin-tshiūnn tsi̍t-tiunn tsi̍t-tiunn ê phue
偌濟辛酸
guā-tsuē sin-sng
放予伊飛
pàng hōo i pue
真正愛過的人
tsin-tsiànn ài--kuè ê lâng
算算無幾个
sǹg-sǹg bô kuí ê
咱的魂影
lán ê hûn-iánn
為誰醉規暝
uī siáng tsuì kui-mê
光采的過去
kong-tshái ê kuè-khì
親像一陣一陣雲煙
tshin-tshiūnn tsi̍t-tsūn-tsi̍t-tsūn hûn-ian
愛看予清
ài khuànn hōo tshing
放予風吹
pàng hōo hong tshue
真心交陪的人
tsin-sim kau-puê ê lâng
欲去佗位揣
beh khì tó-uī tshuē
踮在人生的月臺
tiàm-tsāi jîn-sing ê gua̍t-tâi
感情一站過一站
kám-tsîng tsi̍t-tsām kuè tsi̍t-tsām
踮在虛華的世間
tiàm-tsāi hi-hua ê sè-kan
青春一段過一段
tshing-tshun tsi̍t-tuānn kuè tsi̍t-tuānn
風流一世人
hong-liû tsi̍t-sì-lâng
揣無人疼痛
tshuē bô-lâng thiànn-thàng
才知影
tsiah tsai-iánn
回頭攏是一場夢
huê-thâu lóng-sī tsi̍t-tiûnn bāng
踮在人生的月臺
tiàm-tsāi jîn-sing ê gua̍t-tâi
感情一站過一站
kám-tsîng tsi̍t-tsām kuè tsi̍t-tsām
踮在虛華的世間
tiàm-tsāi hi-hua ê sè-kan
青春一段過一段
tshing-tshun tsi̍t-tuānn kuè tsi̍t-tuānn
如今一世人
jû-kim tsi̍t-sì-lâng
也是雙手空
iā-sī siang-tshiú khang
才看破
tsiah khuànn-phuà
回頭攏是一場夢
huê-thâu lóng-sī tsi̍t-tiûnn bāng