8813/《鼻芳》Phīnn-phang
陳盈潔Tân Îng-kiat
這个世界
tsit ê sè-kài
有偌濟痴情的人
ū guā-tsuē tshi-tsîng ê lâng
為愛付出無彩工
uī ài hù-tshut bô-tshái-kang
毋聽苦勸
m̄-thiann khóo-khǹg
為伊心茫茫
uī i sim bâng-bâng
面容消瘦一工一工
bīn-iông siau-sán tsi̍t-kang tsi̍t-kang
這个世界
tsit ê sè-kài
有偌濟痴情的人
ū guā-tsuē tshi-tsîng ê lâng
偏偏拄著無情人
phian-phian tú-tio̍h bô-tsîng-lâng
真心對待
tsin-sim tuì-thāi
伊送來絕望
i sàng lâi tsa̍ut-bāng
最後毋知佗位藏
tsuè-āu m̄-tsai tó-uī tshàng
每一个人的心內
muí tsi̍t-ê lâng ê sim-lāi
攏有一个夢
lóng ū tsi̍t-ê bāng
最後結局無相仝
tsuè-āu kiat-kio̍k bô sio-kāng
愛的路途上
ài ê lōo-tôo siōng
有苦嘛有甘
ū khóo mā ū kam
小心選予著的人
sió-sim suán hōo tio̍h ê lâng
每一个人的心內
muí tsi̍t-ê lâng ê sim-lāi
攏有一扇窗
lóng ū tsi̍t-sìnn thang
窗外花蕊一欉欉
thang-guā hue-luí tsi̍t-tsâng-tsâng
鼻著若愈芳
phīnn-tio̍h nā jú phang
伊愈是危險
i jú sī guî-hiám
小心飛入伊的網
sió-sim pue ji̍p i ê bāng