作詞：陳桂珠
作曲：許明傑
孤單 阮像野鳥孤單
暝日飛這山飛彼山飛過山 阮心內無伴
＊無伴 阮像孤帆無伴
隨風飄向西飄向東心海內 茫茫找無岸
＃阮的掌中彼條感情線 深深長長一直通甲你的心肝
對你情多深啊你是尚知影 你哪忍心刺痛阮的心肝
你的掌中嘛有感情線 怎樣會來反背咱兩人的咒詛
查某人的心是到底想按怎 全無寶惜阮癡情的心肝
Repeat ＊,＃
風吹不知冷甲寒 雨淋也攏不知痛
咁講這就是運命 出世就註定 深深刻惦阮的手盤
Repeat ＃
------------------------------------------
7555/《阮的感情線》Gún ê Kám-tsîng-suànn
羅時豐Lô Sî-hong
孤單
koo-tuann
阮像野鳥孤單
gún tshiūnn iá-tsiáu koo-tuann
暝日飛這山飛彼山
mî-ji̍t pue tsit suann pue hit suann
飛過山
pue kuè suann
阮心內無伴
gún sim-lāi bô phuānn
無伴
bô phuānn
阮像孤帆無伴
gún tshiūnn koo-phâng bô phuānn
隨風飄向西飄向東
suî hong phiau hiòng-sai phiau hiòng-tang
心海內茫茫揣無岸
sim-hái lāi bâng-bâng tshuē-bô huānn
阮的掌中彼條感情線
gún ê tsiáng-tiong hit tiâu kám-tsîng-suànn
深深長長
tshim-tshim tn̂g-tn̂g
一直迵到你的心肝
it-ti̍t thàng kàu lí ê sim-kuann
對你情偌深啊
tuì lí tsîng guā tshim--ah
你是上知影
lí sī siōng tsai-iánn
你哪忍心刺疼阮的心肝
lí ná jím-sim tshì-thiànn gún ê sim-kuann
你的掌中嘛有感情線
lí ê tsiáng-tiong mā ū kám-tsîng-suànn
怎樣會來反背
tsuánn-iūnn ē lâi huán-puē
咱兩人的咒誓
lán nn̄g-lâng ê tsiù-tsuā
查某人的心
tsa-bóo-lâng ê sim
是到底想按怎
sī tàu-té siūnn án-tsuánn
全無寶惜
tsuân bô pó-sioh
阮痴情的心肝
gún tshi-tsîng ê sim-kuann
---
風吹不覺冷佮寒
hong tshue put-kak líng kah kuânn
雨淋也攏毋知疼
hōo lâm iā lóng m̄-tsai thiànn
敢講這就是運命
kám-kóng tse tiō-sī ūn-miā
出世就註定
tshut-sì tiō tsù-tiānn
深深刻踮阮的手盤
tshim-tshim khik tiàm gún ê tshiú-puânn