黃昏的日頭落山 站在橋頂看無影
約束的橋頂相會 怎樣無照畫
給我來等伊歸埔 害我無心晟
感忘記彼當時的 你講真愛我
手牽手滿面笑容 相娶行
看起著彼個小姐 遮著雨傘橋頂行
自彼日離開了後 怎樣都無影
跑偎去叫伊的名 伊也不應我
也不敢責備着伊 無照約束行
顛倒來對阮愁容 做伊行
小姐你若是愛我 為著怎樣都無影
不倘來心神無定 給我心苦痛
最好是希望咱的 愛情無變卦
像彼時跟你相會 快樂唸情歌
戀花開兩人笑容 相娶行
------------------------------------------
《黃昏的橋頂》Hông-hun ê Kiô-tíng
文夏Bûn-hā
黃昏的日頭落山
hông-hun ê ji̍t-thâu lo̍h-suann
踮在橋頂看無影
tiàm-tsāi kiô-tíng khuànn-bô iánn
約束的橋頂相會
iok-sok ê kiô-tíng siong-huē
怎樣無照話
tsuánn-iūnn bô tsiàu uē
予我來等伊規晡
hōo guá lâi tán i kui-poo
害我無心情
hāi guá bô-sim-tsiânn
敢袂記彼當時的
kám buē-kì hit-tong-sî ê
你講真愛我
lí kóng tsin ài guá
手牽手
tshiú khan-tshiú
滿面笑容
muá-bīn tshiò-iông
相𤆬行
sio-tshuā kiânn
看起著彼个小姐
khuànn khí tio̍h hit ê sió-tsiá
遮著雨傘橋頂行
jia tio̍h hōo-suànn kiô-tíng kiânn
自彼日離開了後
tsū hit-ji̍t lī-khui liáu-āu
怎樣攏無影
tsuánn-iūnn lóng bô-iánn
走倚去叫伊的名
tsáu uá khì kiò i ê miâ
伊也毋應我
i iā m̄ ìn guá
也毋敢責備著伊
iā m̄-kánn tsik-pī tio̍h i
無照約束行
bô tsiàu iok-sok kiânn
顛倒來對阮愁容
tian-tò lâi tuì gún tshiû-iông
做伊行
tsò i kiânn
小姐你若是愛我
sió-tsiá lí nā-sī ài guá
為著怎樣攏無影
uī-tio̍h tsuánn-iūnn lóng bô-iánn
毋通來心神袂定
m̄-thang lâi sim-sîn buē-tiānn
予我心苦疼
hōo guá sim khóo-thiànn
最好是希望
tsuè-hó sī hi-bāng lán ê
咱的愛情無變卦
ài-tsîng bô piàn-kuà
像彼時佮你相會
tshiūnn hit-sî kah lí siong-huē
快樂唸情歌
khuài-lo̍k liām tsîng-kua
戀花開兩人笑容
luân-hue khui nn̄g-lâng tshiò-iông
相𤆬行
sio-tshuā kiânn