作詞：文夏
作曲：文夏
秋風吹來心肝冷 阮是流浪彈吉他的人
為你打碎青春夢 流來又流去
孤星伴阮 孤星伴阮的流浪
菸酒歌聲的酒場 苦命流浪彈吉他的人
今夜唱著戀愛歌 明夜唱悲歌
暗著心憂 暗著心憂的歌聲
燈火稀微人憂愁 男性流浪彈吉他的人
半夜彈琴音悲哀 誘阮目屎流
更深靜靜 更深靜靜的今夜
------------------------------------------
14231/《流浪的樂師》Liû-lōng ê Ga̍k-su
文夏Bûn-hā
秋風吹來心肝冷
tshiu-hong tshue--lâi sim-kuann líng
阮是流浪彈吉他的人
gún sī liû-lōng tuânn gì-tah ê lâng
為你拍碎青春夢
uī lí phah-tshuì tshing-tshun bāng
流來又流去
lâu-lâi iū lâu-khì
孤星伴阮
koo-tshinn phuānn gún
孤星伴阮的流浪
koo-tshinn phuānn gún ê liû-lōng
薰酒歌聲的酒場
hun-tsiú kua-siann ê tsiú-tiûnn
苦命流浪彈吉他的人
khóo-miā liû-lōng tuânn gì-tah ê lâng
今夜唱著戀愛歌
kim-iā tshiùnn tio̍h luân-ài kua
明夜唱悲歌
bîng-iā tshiùnn pi-kua
掩著心憂
am tio̍h sim-iu
掩著心憂的歌聲
am tio̍h sim-iu ê kua-siann
燈火稀微人憂愁
ting-hé hi-bî lâng iu-tshiû
男性流浪
lâm-sìng liû-lōng
彈吉他的人
tuânn gì-tah ê lâng
半夜彈琴音悲哀
puànn-iā tuânn-khîm im pi-ai
誘阮目屎流
iú gún ba̍k-sái lâu
更深靜靜
kinn tshim tsīng-tsīng
更深靜靜的今夜
kinn tshim tsīng-tsīng ê kim-iā