電影「賣身契」主題曲
作詞：許冠傑/黎彼得
作曲：許冠傑
蘇蝦仔未出世 都去搵玉皇大帝
聽佢講番啲世俗條例
嚦起張賣身契 起勢咁擰頭擰髻
好坐低聽孤家講出一切
喂 我要你架勢 你梗一家富貴
我發起啷黎 會將你墊屍底 認真巴閉
簽番張賣身契(賣身契)
攪掂筆入境費(仲要洗禮)
咁蘇蝦仔至准出世
蘇蝦仔大個左啦喂 識拍拖學人地曳
一次偷雞喊亦無謂
番香閨論婚禮 俾八姑窒頭窒勢
好女婿 呢單認真襟計
喂 你咪當免費 走精面咪制(咪制)
我聽錢駛 你好挖倉底 重要三牲酒禮
簽番張賣身契(重要屋契)
攪掂筆外母費(傑過西米)
咁蘇蝦仔至准出世
香港地為生計 乜野都受人限制
睇報紙多多制度條例
加差餉電費水費 啲餸乜愈嚟愈貴
恩愛夫妻都頂心頂肺
喂 咪太過閉翳 瞓醫院更貴(太貴)
養班馬騮仔 有苦暗啞底 重要交足書簿費
一張張賣身契(賣身契)
枕住咁累你一世(做到甩肺)
唉 總之一句柯彌吉帝(柯彌柯彌吉帝)
一張張賣身契(賣身契)
枕住咁累你一世(做到甩肺)
唉 總之一句柯彌吉帝囉前世