作詞：許冠傑/黎彼得
作曲：美國民謠
作詞：許冠傑/黎彼得
作曲：美國民謠
童年就八歲，多歡趣，見到狗仔起勢追，
爺爺話我最興嗲幾句，買包花生卜卜脆，
跳下飛機，街邊玩下水，
爺爺重教我講呢一句，有酒應該今朝醉。
行年十八歲，懶風趣，有名高級徒置區，
求其係派對仆倒去，見到丫烏都請佢，
咪個謙虛，幾大充有水，
連隨問下佢幾多歲，有酒應該今朝醉。
行年廿八歲，金翡翠，鬢影衣香拖靚女，
同埋趙阿翠，雙雙對，結果卒之娶左佢，
以為歲晚煎堆，點知著聲跟左老許，
無謂問過去，盞心碎，有酒應該今朝醉。
行年六十八歲，腰骨都脆，阿風濕中氣衰，
人地窒兩句，濕濕碎，我都嗗聲吞左佢，
嘆下雙蒸，打牌抽下水，
回頭望過去，始終個句，有酒應該今朝醉。