作詞：許冠傑/黎彼得
作曲：劉杰
六嬸，三太公，大眾開枱啦面似蓮蓉，
又放工，打餐懵，圍埋砌幾圈論呀論英雄，誰是大英雄，大英雄。
落手三隻東，度到啱都三叫二五六筒，
截正糊，真陰功，騰騰震嬲到面呀面都紅。
上下家，搏晒懵，依牙鬆槓斬眉斬眼打籠通，
係咁鬆，正衰公，難為氹仔要浸呀浸蛟龍。
亂咁質，真勢兇，學到足關帝座鎮華容，
恨滿胸，裹蒸粽，嗡嗡貢好似大呀大燈籠。
大相公，小相公，遇老千章法亂晒大籠，
食詐餬，包出沖，氹氹轉好似大呀大灰熊,誰是大灰熊,大灰熊。
執左位，起個風，移燈換?洗手食煙熨櫃桶，
轉下運，確唔同，連隨喫幾舖我露呀露歡容。
混一色，碰七筒，一簡白板發財做眼槓紅中，
六八筒，叫卡窿，原來咁橋佢係呀係七筒。
掘尾籠，起勢攻，大四喜喳晒南北西東，
做牌，講天聰，頻頻滿餬我做呀做英雄，時勢做英雄。
(大英雄)