作詞：許冠傑/薛志雄
作曲：許冠傑
呢個世界上，有精仔、有懵仔、有叻仔、散仔、賭仔、重有戇居仔，
有衰仔、有好仔、反骨仔、癲仔、蠢仔重弊過敗家仔，
細蚊仔、臭飛仔、招卿仔、靚仔、打仔亂咁出刀仔，問你點敢亂生仔。
邊個係天才(天才)，邊個係白痴(白痴)，
扮懵定蠢才，冇咁易會知(阿茂至知)，
天才與白痴，你黐定我黐，天才與白痴，冇咁易會知，天才與白……痴。
呢個世界上，有冤鬼、有嘩鬼、有奸鬼、賭鬼、盞鬼、重有咸濕鬼，
有衰鬼、有煙鬼、攝青鬼、生鬼、撞鬼撞著個冒失鬼，
醉酒鬼、吊靴鬼、醜死鬼、假鬼、真鬼、亂咁鬼打鬼，問你究竟攪乜鬼。
乜鬼係天才，乜鬼係白痴，扮懵定蠢才，冇咁易會知，
天才與白痴，你黐定我黐，天才與白痴，冇咁易會知，天才與白……痴。
呢個世界上，有堅嘢、有流嘢、有精、喎、喳、重有大鑊，
有衰、有好、有筍、貴、賤、最划忌就賴，
醒胃、林嬸、正斗、靚、杰、最爽就撈粗，確係認真唔少。
乜嘢係天才，乜嘢係白痴，扮懵定蠢才，冇咁易會知，
天才與白痴，你黐定我黐，天才與白痴，冇咁易會知，
天才與白痴，天才與白痴，天才與白痴。