作詞：許冠傑/黎彼得
作曲：Blackwell
咁又茶樓齊共上，良朋談動向，
花雕「Dep」幾兩，閒來尋樂暢，
叫煲佛跳牆(佛跳牆)，炆得咁鬼香。
計起就完全唔係貴，翅肚能潤肺，
鮑參炆光雞，髮菜同玉桂，
配料落到齊(落到齊)，認真冇得揮。
肥佬黎，倒眼輝，
潺仔威，軟腳龜，擦啦喂。
夾起連隨搽辣醬，確係怡神顏又養，
一于搵手搶，完全唔異相，
有福大家享(大家享)，駛乜咁緊張。
成班友一味啄，
含含聲一味啄，唔怕肚漲。
佛跳牆，炆得咁鬼香，
見到佛跳牆(佛跳牆)，鬼都要裝香，
超級佛跳牆(佛跳牆)，炆得咁鬼香，
見到佛跳牆(佛跳牆)，鬼都要裝香，
正宗佛跳牆(佛跳牆)，炆得咁鬼香，
見到佛跳牆(佛跳牆)，鬼都要裝香。