作詞：許冠傑/薛志雄
作曲：許冠傑
呢個世界上，有精仔、有懵仔、有叻仔、散仔、賭仔、重有戇居仔，
有衰仔、有好仔、反骨仔、癲仔、蠢仔重弊過敗家仔，
細蚊仔、臭飛仔、招卿仔、靚仔、打仔亂咁出刀仔，問你點敢亂生仔。
邊個係天才(天才)，邊個係白癡(白癡)，
扮懵定蠢才，冇咁易會知(阿茂至知)，
天才與白癡，你黐定我黐，天才與白癡，冇咁易會知，天才與白……癡。
呢個世界上，有冤鬼、有嘩鬼、有奸鬼、賭鬼、盞鬼、重有鹹濕鬼，
有衰鬼、有煙鬼、攝青鬼、生鬼、撞鬼撞著個冒失鬼，
醉酒鬼、吊靴鬼、醜死鬼、假鬼、真鬼、亂咁鬼打鬼，問你究竟攪乜鬼。
乜鬼係天才，乜鬼係白癡，扮懵定蠢才，冇咁易會知，
天才與白癡，你黐定我黐，天才與白癡，冇咁易會知，天才與白……癡。
呢個世界上，有堅嘢、有流嘢、有精嘢、喎嘢、喳嘢、重有大鑊嘢，
有衰嘢、有好嘢、有筍嘢、貴嘢、賤嘢、最劃忌就賴嘢，
醒胃嘢、林嬸嘢、正斗嘢、靚嘢、傑嘢、最爽就撈粗嘢，確係認真唔少嘢。
乜係天才，乜係白癡，扮懵定蠢才，冇咁易會知，
天才與白癡，你黐定我黐，天才與白癡，冇咁易會知，
天才與白癡，天才與白癡，天才與白癡。