作詞：許冠傑/黎彼得
作曲：Russell
留二索扣六索，
一摸三七索，
再捽一九五八認真泡，
求六索上二索，
認真化鬼學，
諗起卡窿啱啱一講就嚟，
轉下手摸一索，
等黐三索，
甩啱七索就叫六九索，
求六索有六索，
敲崩檯角，
呢鋪真係代表作。
最鬼憎喺屋企咁寂寞，
去搵腳兩頭揗，
成日頻撲，
砌幾圈我身心最快樂，
冇本我照落埸，
打嚫梗係主角。
甩到手軟起哂泡，
兼側側膊，
將啲骰仔猛咁攴，
頭又重氣又剒，
口乾頸渴，
幾大死做死搏。
叫碗粥，打通宵再直落，
喫啲嘢定定神，疲倦唔覺。
咬口煙，𢲡鋪牌猛咁度，
個袋帶定藥油，
一於搵命仔搏。
甩到手軟起哂泡，
兼側側膊，
整包花生猛咁剝，
人人食到滿地殼，
好似七國，
打得真係爽咯。
留二索扣六索，
一摸三七索，
再捽一九五八認真泡，
求六索上二索，
認真化鬼學，
諗起卡窿啱啱一講就嚟，
轉下手摸一索，
等黐三索，
甩啱七索就叫六九索，
求六索有六索，
敲崩檯角，
呢鋪真係代表作！
(嘻，又爆嘞！)