昨瞑梦见你 才知阮心内空虚
转头看无你 怨今夜月娘圆
悲伤的暗瞑 心碎只有自己
孤单生活到何时
应该要觉醒 踏到朦雾的日子
是苦还是甜 看抹清是虾咪
痛苦的过去 要说那爱已经迟
受伤的心怎冷清
多情阿想不开
无情的人最你企
亲像风一阵飞 去叨位无人照问
一款的情份 甘是浮云飘过风烟
等待一世永远抹靠岸的船
------------------------------------------
14558/《永远袂靠岸的船》Íng-uán Buē Khò-huānn ê Tsûn
刘依纯Lâu I-sûn
昨暝梦见你
tsa-mî bāng-kìnn lí
才知阮心内空虚
tsiah tsai gún sim-lāi khang-hi
越头看无你
ua̍t-thâu khuànn-bô lí
怨今夜月娘圆
uàn kim-iā gue̍h-niû înn
悲伤的暗暝
pi-siong ê àm-mî
心碎只有家己医
sim tshuì tsí-ū ka-tī i
孤单生活到何时
koo-tuann sing-ua̍h kàu hô-sî
应该爱觉醒
ing-kai ài kak-tshínn
罩着雺雾的日子
tà tio̍h bông-bū ê ji̍t-tsí
是苦抑是甜
sī khóo ia̍h-sī tinn
看袂清是啥物
khuànn buē-tshing sī siánn-mih
痛苦的过去
thòng-khóo ê kuè-khì
欲讲咙喉已经滇
beh kóng nâ-âu í-king tīnn
受伤的心怎冷静
siū-siong ê sim tsuánn líng-tsīng
多情人想袂开
to-tsîng-lâng siūnn buē-khui
无情的人做你去
bô-tsîng ê lâng tsuè lí khì
亲像风一阵飞
tshin-tshiūnn hong tsi̍t-tsūn pue
去佗位无人借问
khì tó-uī bô-lâng tsioh-mn̄g
这款的情份
tsit khuán ê tsîng-hūn
敢是浮云飘过黄昏
kám-sī phû-hûn phiau kuè hông-hun
等待一世
tán-thāi tsi̍t-sì
永远袂靠岸的船
íng-uán buē khò-huānn ê tsûn