作词：武雄
作曲：王俊杰
编曲：王俊杰
《梦回嘉南平原》Bāng Huê Ka-lâm Pîng-guân
王俊杰Ông Tsùn-kia̍t
风吹落
hong tshue lo̍h
一幕青春美丽的眠梦
tsi̍t-bōo tshing-tshun bí-lē ê bîn-bāng
吹乱时代无情的拗蛮
tshue luān sî-tāi bô-tsîng ê áu-bân
一个人
tsi̍t-ê-lâng
亲像被风拆散的鸿雁
tshin-tshiūnn pī hong thiah-suànn ê hông-gān
飞过黄昏少年的台湾
pue kuè hông-hun siàu-liân ê Tâi-uân
爱慕的情书
ài-bōo ê tsîng-su
夜夜唱拢袂完
iā-iā tshiùnn lóng buē uân
唱袂完是离合悲欢
tshiùnn buē uân sī lî-ha̍p pi-huan
风台雨淹过梦中思念的田
hong-thai-hōo im kuè bāng-tiong su-liām ê tshân
告别胭脂暗淡的留恋
kò-pia̍t ian-tsi àm-tām ê liû-luân
啊~相思无制限
ah~ siunn-si bô tsè-hān
啊~往事做一出了断
ah~ óng-sū tsò tsi̍t-tshut liáu-tuān
啊~心爱的
ah~ sim-ài--ê
再会啦
tsài-huē--lah
我真毋甘
guá tsin m̄-kam
夜夜梦回
iā-iā bāng huê
嘉南平原
Ka-lâm Pîng-guân