作词：佚名
作曲：佚名
离故乡啊到呀都市 北部送冬啊换春衣
君呀多情啊妹呀多义 千里来结缘喜带悲
啊──夜莺呀不知是阮心意 树顶呀空吟怀春诗
南部妹呀北啊部哥 爱情超过啊千里河
青呀春梦哪是虽然好 只惊是好梦变水波
啊──爱情呀愈好是愈烦恼 你富啊我贫麦如何
千里缘啊结呀鸳鸯 北部的明月呀引乡愁
为呀终身我是暗自想 花开来结子望兄收
啊──望君哪立誓是爱永久 无通啊变心学风流
----------------------------------------------
《异乡悲恋梦》Ī-hiong Pi-luân Bāng
蔡振南Tshuà Tsín-lâm
离故乡啊到啊都市
lī kòo-hiong--ah kàu--ah too-tshī
北部咧送冬啊换春衣
pak-pōo eh sàng tang--ah uānn tshun-i
君啊多情啊妹啊多义
kun--ah to-tsîng--ah muāi--ah to-gī
千里来结缘喜带悲
tshian-lí lâi kiat-iân hí tài pi
啊~夜莺仔毋知是阮心意
ah~ iā-ing-á m̄-tsai sī gún sim-ì
树顶啊空吟怀春诗
tshiū-tíng--ah khang gîm huâi-tshun si
南部妹啊北啊部哥
lâm-pōo muē--ah pak--ah pōo ko
爱情超过啊千里河
ài-tsîng tshiau-kuè--ah tshian-lí hô
青啊春梦啊虽然好
tshing--ah tshun-bāng--ah sui-jiân hó
只惊是好梦变水波
tsí kiann sī hó bāng piàn tsuí-pho
啊~爱情啊愈好是愈烦恼
ah~ ài-tsîng--ah jú hó sī jú huân-ló
你富啊我贫欲如何
lí hù--ah guá pîn bueh jû-hô
千里缘啊结啊鸳鸯
tshian-lí iân--ah kiat--ah uan-iunn
北部啊明月啊引乡愁
pak-pōo--ah bîng-gua̍t--ah ín hiong-tshiû
为啊终身我是暗啊自想
uī--ah tsiong-sin guá sī àm--ah tsū siūnn
花开来结子望兄收
hue khui lâi kiat-tsí bāng hiann siu
啊~望君啊立誓是爱永久
ah~ bāng kun--ah li̍p-sè sī ài íng-kiú
毋通啊变心学风流
m̄-thang--ah piàn-sim o̍h hong-liû