恋爱有时起风台，天黑雨就来，
女性危险的运命，崁坎路歹行，
靠你真心相照顾，即有光明路，
温暖爱情春天风，爽快好进步。
亲密相沾指甲痕，留在阮身驱，
无疑心变一时拵，船过水无痕，
失恋亲像无伴鸟，孤单哭黄昏，
等待月光照深巷，伴阮四界逡。
爱情较重人生命，嘴讲无照行，
怎样有声看无影，无雨陈雷声，
男性侥心真快变，秋云飞满天，
举头看出西窗外，月缺更再圆。
《女性的哀怨》Lú-sìng ê Ai-uàn
尤雅Iû Ngá
恋爱有时起风台
luân-ài ū-sî khí hong-thai
天乌雨就来
thinn oo hōo tsiū lâi
女性危险的运命
lú-sìng guî-hiám ê ūn-miā
坎坷路歹行
khám-khia̍t-lōo pháinn-kiânn
靠你真心相照顾
khò lí tsin-sim sio tsiàu-kòo
才有光明路
tsiah ū kong-bîng lōo
温暖爱情春天风
un-luán ài-tsîng tshun-thinn hong
爽快好进步
sóng-khuài hó tsìn-pōo
亲密相捻指甲痕
tshin-bi̍t sio-liàm tsíng-kah hûn
留在阮身躯
lâu tsāi gún sin-khu
无疑心变一时阵
bô-gî sim piàn tsi̍t-sî-tsūn
船过水无痕
tsûn kuè tsuí bô hûn
失恋亲像无伴鸟
sit-luân tshin-tshiūnn bô-phuānn tsiáu
孤单哭黄昏
koo-tuann khàu hông-hun
等待月光照深巷
tán-thāi gue̍h-kng tsiò tshim-hāng
伴阮四界游
phuānn gún sì-kè iû
爱情轻重人性命
ài-tsîng khin-tāng jîn sìnn-miā
喙讲无照行
tshuì kóng bô tsiàu kiânn
怎样有声看无影
tsuánn-iūnn ū siann khuànn-bô iánn
无雨霆雷声
bô hōo tân-luî siann
男性侥心真快变
lâm-sìng hiau-sim tsin khuài piàn
秋云飞满天
tshiu-hûn pue muá-thinn
攑头看出西窗外
gia̍h-thâu khuànn-tshut se-thang guā
月缺阁再圆
ge̍h khih koh-tsài înn